Ma7MoOod
عدد المشاركات : 1140 الدولة : مصــر النقاط : 15
| موضوع: الاسئله الخنييقه بتاعت كل يووووووووم السبت فبراير 28, 2009 1:18 am | |
| أسئلة كل اليوم (((الخنيييقة جدا جدا)))!!!
--------------------------------------------------------------------------------
شوية أسئلة نفسى أعرف الناس بتسئلها لييييييييه ((يمكن يكونوا بيخنقوا على بعض)))؟؟؟ (((ممكن بردة)))!!!!
إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام ))
***********
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه ))
***********
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))
***********
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟
(( لا.. العربية واحشاني ))
***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بتفرّج عليه ))
***********
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء ))
***********
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها و أسلقها ))
***********
ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لاء.. طالبها اخنق على نفسي ))
***********
أو مثلا في العيد
المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير
(( أكيد يعني مش هيقولهم البقاء لله ))
***********
,,,المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يارخمة ؟ ))
***********
والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لأ
عدل سابقا من قبل Ma7MoOod في الأحد مارس 01, 2009 7:02 pm عدل 1 مرات | |
|
magy
عدد المشاركات : 360 الدولة : مصــر النقاط : 83
| موضوع: رد: الاسئله الخنييقه بتاعت كل يووووووووم السبت فبراير 28, 2009 9:40 pm | |
| gamda w m3dya wmalhash 7al | |
|
A.Elziny
عدد المشاركات : 956 الدولة : FuTuRe5sTaR المهنة : طالب النقاط : 415
| موضوع: رد: الاسئله الخنييقه بتاعت كل يووووووووم السبت فبراير 28, 2009 9:50 pm | |
| thnx 7oda gamda !! and we're 28ing for more !! | |
|
ELnabaWY
عدد المشاركات : 1093 الدولة : مصــر النقاط : 31
| |
Ma7MoOod
عدد المشاركات : 1140 الدولة : مصــر النقاط : 15
| |
malak
عدد المشاركات : 5 الدولة : مصــر النقاط : 0
| موضوع: رد: الاسئله الخنييقه بتاعت كل يووووووووم الإثنين مارس 02, 2009 5:14 pm | |
| gamdaaaaaaaaaa moooooooooot | |
|
Ma7MoOod
عدد المشاركات : 1140 الدولة : مصــر النقاط : 15
| موضوع: رد: الاسئله الخنييقه بتاعت كل يووووووووم الإثنين مارس 02, 2009 7:39 pm | |
| | |
|